A assosiason Cabovedeana Delta Cultura Cabo Verde (DCCV) di Tarrafal/Santiagu konsigui, grasas a si parseirus streetfootballworld y FIFA, ser un di kes 20 Football for Hope Centrus na África.
20 Centrus pa 2010 é un kanpanha oficial di kopa di mundu 2010. Si obijetivu é kria 20 Football for Hope Centrus pa promovi saúdi públika,idukason y futibol pa kumunidadis karentis na Áfrika. Sima parti di movimentu Football for Hope liderada pa FIFA y streetfootballworld, kel kampanha li ta dexa un legadu tangível sosial pa Áfrika. (http://pt.fifa.com/aboutfifa/socialresponsibility/footballforhope/20centres/index.html)
Delta Cultura Cabo Verde trabalha ku futibol pa disenvolvimentu sosial desdi di 2002, y konstrui na 2005, ku ajuda di município, kel Centru di Edukason Tarrafal.
Desdi li nton, DCCV koloka foku di si trabadju na skola di futibol y txéu otus prugramas idukasionais.
Seleson di Delta Cultura sima Football for Hope Centru ka é só un grandi honra pa assosiason, mas tanbê é un basi pa asustentabilidadi di prujetu.
Na prátika, Football for Hope Centru signifika ki kel Centru ki dja esisti ta ben ser anpliadu na algun edifisiu y un kanpu di Futibool di 40x20m ku relvadu artificial y ku iluminason prufusa di un plaka fotovoltaica.
O apoiu finanseru sta previstu pa três anu. Alén di keli, tanbê ten reuniãos regularis di tudu organizasões ki ten Football for Hope Centrus na Áfrika.
DCCV ta ben usa kés tenpu pa konstrui un projetu sustentável na konjuntu ku parseiros lokais, nasionais y internasionais.
Links relasionadus:
http://streetfootballworld.org
http://pt.fifa.com/aboutfifa/socialresponsibility/footballforhope/20centres/index.html
