Delta Cultura

Min ka kanta , badja ó batuka; oras kin ata batuka amin é batuku propi!
(kuchinha; kantóra di batukaderas Delta Kultura)

Batuku é um badja tradisional e toki junto ku tanborus ki ben di ilha Santiagu, ki ta fasedu mas pa mudjeris. Um algen ki ta kanta é ta papia sobri bida kotidianus, mas tanbê de pulitikas ó kulturas di un manera dibirtidu ou kritikadu. Voz ta imita y kes versus y kantigas  ta fika mais faxi  djuntu ku tornu,  um badja ki ta fasedu pa un ó dôs daderas di tornu.

Midjor di kalker kusas skrebedu, vidiu ta fla kusé ké batuku y kusé ki Kutchinha kré fla.

Desdi di pikinote, Marisa di Delta Kultura Kabu Verdi el é ta kanta, é ta toka tanboru, é tadá ku tornu  y é ta batuka kol na alma , y gosi é kria dôs grupus di batuku.

Primeru grupu de batuku ké forma é Delta Kultura é nasi na 2003 sta formado pa 14 rapariginhas de 13 e 32 anu di idadi. Desdi kés kumesa es ta inkontra  três Bês pa simana na kintal di kasa di Marisa pa insaia y pa papia di kusas ki ta kontisi na dia dia di grupus.

Kés txéu spetaku  kes fasi desdi tenpu de sés fundason fasi Delta Kultura Kabo Verdi konxedu pa tudus ilha de kabu Verdi – mas outus kaus. Kes atividadis mas profundu di grupus.

• Festa tradisinal na tudu palku di Santiagu

• Na praia : Kintal di Musika, Assemblaia, Nasional, Sentru Kultural Fransés, Palasio di kultura, Liseu Domingus Ramus, Ganboa, etc

• Festivais , aniversarios di grupos di batukaderas

• Ilha do Maio, Santu Antão, S.Visenti

• Digrison pa Austria 2008

Rakupera y guarda tradison di batuku y motivason é di ké mas grandi diseju di grupu, sem ninhun interesi di bendi nós kultura Batukaderas Delta Kultura tanbê es ta atua na festa di kasamentus y di batisadus.

Kel sigundu grupu di batuku Batukinhas Fidjus di Delta ki ten 20 kriánsas de 5 a 13 anus di idadis es kria es só di ses getu, es ta bai djobi kes mas grandi ta ensaia, é la kes prendi kanta, toka tanboru  e badja tornu.
Enton Marisa disidi komesa ensaias,  ses primeru béz kés batuka na palko staba na 26 di febreru di 2006 ki era tês anu di aniversari di kés batukadera Delta Kultura.

Tanbê es konsigi fasi txéu sussesu na palko. És djés sta konxedu pa tudu Ilha di Santiagu y na komesu di 2010 ta sai ses primeru CD ku DVD na merkadu.

Marisa tanbê   pa primeru bês na 2006 é  konsigi fase um festival di batuku ki djunta batukaderas di ilia Santiagu y desdi kel data é konsigu organisa festival di batuku tudu anu.

Min ka kanta , badja ó batuka; oras kin ata batuka amin é batuku propi! (kuchinha; kantóra di batukaderas Delta Kultura) Batuku é um badja tradisional e toki junto ku...